ઇરાનમાં મહિલાઓની એન્ટી હિજાબ પ્રોટેસ્ટ વિસ્તરતી જાય છે. ત્યારે અનેક નામાંકિત હસ્તીઓ બહાર આવી રહી છે. હાલમાં જ ઇરાનની ખૂબસુરત અભિનેત્રી એલનાઝ નરૌઝીએ પોતાના કપડા ઉતારીને હિજાબ પ્રોટેસ્ટને ટેકો આપ્યો છે. એલનાઝે મંગળવારે ઇન્સ્ટાગ્રામ પર એક વીડિયો શેર પોસ્ટ કર્યો હતો જેમાં તે એક પછી એક કપડા ઉતારતી નજરે પડતી હતી.
જો કે તેણે સ્પષ્ટતા કરી હતી કે આમ કરવાનો હેતું નગ્નતાને વધારવાનો નહી પરંતુ મહિલાઓને હિઝાબમાંથી મુકિતની આઝાદી પસંદ કરવાનો હતો. અભિનેત્રીએ પોતાનો વીડિયો પોસ્ટ કરતા લખ્યું હતું કે દુનિયામાં કયાંય પણ,દરેક મહિલાને પોતાનું મનપસંદ પહેરવાનો અધિકાર હોવો જોઇએ.
કોઇ પણ પુરુષને મહિલાઓને જજ કરવાનો અધિકાર નથી એટલે કે તે મહિલાઓને કપડા પહેરવાની ફરજ પાડી શકે નહી. દરેક મહિલાને પોતાનો નિર્ણય લેવા સામર્થ્યવાન હોવી જોઇએ. અભિનેત્રીએ એમ પણ કહયું હતું કે પોતે નગ્નતાને પ્રોત્સાહન આપી રહી નથી પરંતુ મહિલાઓને પસંદગીની આઝાદીને પ્રોત્સાહિત કરી રહી છે.
