હાલ થોડા સમય પહેલા ગુજરાતી વિધાનસભાની ચૂંટણીની તારીખ જાહેર થતા જ રાજકારણ ગરમાહટ બન્યું છે. જેમાં ગુજરાત વિધાનસભાની ચૂંટણીના સુરક્ષા વ્યવસ્થા કડક કરવા માટે પોલીસ કરવાની દળોની 700 જેટલી કંપનીઓ તૈનાત કરવામાં આવશે. જેમાં 70,000 જવાનો સમાવેશ કરવામાં આવે છે. ટોસના અધિકારી સરકારી સૂત્રોએ માહિતી આપી કે બોર્ડર સિક્યુરિટી ફોર્સ (બીએસએફ), સેન્ટ્રલ રિઝર્વ પોલીસ ફોર્સ (સીઆરપીએફ), સેન્ટ્રલ ઈન્ડસ્ટ્રીયલ સિક્યુરિટી ફોર્સ (સીઆઈએસએફ), ઈન્ડો-તિબેટિયન બોર્ડર પોલીસ (આઈટીબીપી) અને અન્ય સીએપીએફની 150 થી વધુ કંપનીઓ તૈનાત કરવામાં આવશે.
એક સૂત્રએ નામ ન આપવાની શરતે સમાચાર એજન્સી ANIને જણાવ્યું હતું કે આગામી ચૂંટણીઓને ધ્યાનમાં રાખીને CAPFની કુલ 162 કંપનીઓ પહેલેથી જ તૈનાત કરવામાં આવી છે, જેમાં કુલ 16,200 કર્મચારીઓનો સમાવેશ થાય છે. તેમણે કહ્યું કે CAPF જવાનોને તૈનાત કરવાનો નિર્ણય ગૃહ મંત્રાલય દ્વારા લેવામાં આવ્યો છે. તેમણે વધુમાં જણાવ્યું હતું કે અર્ધલશ્કરી દળોની આ તૈનાતી ગુજરાત વિધાનસભાની ચૂંટણીમાં અત્યાર સુધીની સૌથી મોટી તૈનાતી છે.
ગુજરાત વિધાનસભાની ચૂંટણીની તારીખ 1 ડિસેમ્બર થી 5 ડિસેમ્બર સુધીની છે અને તેને બે તબક્કામાં યોજવામાં આવશે અને તેની પરિણામની તારીખ 8 ડિસેમ્બર જાહેર થશે.રાજ્યની 182 બેઠકોમાંથી પ્રથમ તબક્કામાં 89 બેઠકો પર મતદાન થશે, જ્યારે બીજા તબક્કામાં 93 બેઠકો પર મતદાન થશે. વિધાનસભાની ચૂંટણીમાં 4.9 કરોડથી વધુ મતદારો તેમના મતનો ઉપયોગ કરશે. રાજ્યમાં કુલ 51,000 થી વધુ મતદાન મથકો સ્થાપિત કરવામાં આવ્યા છે, જેમાંથી 34,000 થી વધુ ગ્રામીણ વિસ્તારોમાં છે.
